बाग्मतीमा आगो लाग्दा साढे ४१ लाखको धनमाल खरानी

ललितपुरको बाग्मतीमा आगलागी हुँदा ठूलो मात्रामा धनमाल जलेर नष्ट भएको छ । बागमती गाउँपालिका–३ भैँसेका रामशरण सापकोटाको घरमा आगो लाग्दा साढे ४१ लाख मूल्य बराबरको सम्पत्ति खरानी भएको हो । 

हिजो बिहान विद्युत सर्ट भई सल्किएको आगोले घर र सँगै रहेको गोठ जलेर भष्म भएको बताइएको छ । स्थानीय बासिन्दा र दमकलको सहयोगमा आगलागी नियन्त्रणमा लिइसकेको प्रहरीले बताएको छ ।