भैरहवा उडेको बुद्ध एअरका दुई वटा विमान काठमाडौं फकाईयो, जताततै उडान अवरुद्ध

काठमाडौंबाट भैरहवा उडेको बुद्ध एअरको दुई वटा विमान काठमाडौंमा अवतरण भएको छ । आज साँझ पौने ६ बजे भैरहवा उडेको बुद्धको उडान नम्बर बीएचए ८०१ को विमान आकाशबाटै फर्काएर साढे ६ बजे काठमाडौंमा अवतरण गराइएको बताइएको छ । 

त्यसअघि साढे ५ बजे उडेको उडान नम्बर बीएचए ८५९ को विमान पनि काठमाडौंमा फर्काएर साढे ६ बजे अवतरण गराइएको थियो । खराब मौसमका कारण विमान फर्काइएको जानकारी दिइएको छ ।

आज साँझ परेपछि मौसमका कारण भद्रपुर, विराटनगर, नेपालगञ्ज, भैरहवा र पोखराका अधिकांश उडान रोकिएका छन् । पोखरा विमानस्थल साँझ पौने ७ बजेदेखि बन्द गरिएको छ ।