७० वर्षीया वृद्धा घरमै र पाहुना लाग्न गएकी १७ वर्षीय किशोरी बलात्कृत

बर्दियामा ७० वर्षीया एक वृद्धा महिला र झापामा १७ वर्षीया किशाेरी बलात्कृत भएका छन् । बलात्कारको आराेपमा प्रहरीले दुईजनालाई पक्राउ गरेको छ ।  

७० वर्षीया वृद्धा महिलालाई जबरजस्ती करणी गरेको अभियोगमा बर्दियाको मधुवन नगरपालिका-४ मधुवन गाउँ बस्ने ६० वर्षीय मंगाराम थारुलाई प्रहरीले पक्राउ गरेको हाे । थारुले ती महिलालाई शुक्रबार पीडितकै घरमा जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय ढोढरीबाट खटिएको प्रहरीले उनलाई पक्राउ गरेको जनाएको छ ।  

 झापामा  १७ वर्षीया किशोरीलाई जबरजस्ती करणी गरेको अभियोगमा अर्जुनधारा नगरपालिका-११ स्टाप चोक बस्ने २७ वर्षीय विवेक श्रेष्ठलाई प्रहरीले पक्राउ गरेको छ । विवेकले ती किशोरीलाई सोही ठाउँस्थित साथीको कोठामा आएकी अवस्थामा जबरजस्ती करणी गरेको भन्ने उजुरीको आधारमा ईलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो ।