ओखलढुंगामा पहिरो : आमाबाबुको मृत्यु, छोराछोरी बेपत्ता
ओखलढुंगामा राति गएको पहिरोमा दुई जनाको मृत्यु र दुई बालबालिका बेपत्ता भएका छन् । चम्पादेवी गाउँपालिका ८, बिलन्दुमा गएको पहिरोमा तीनवटा घर बगेको छ ।
पहिरोबाट घर पुरिँदा ३६ वर्षे रणबहादुर गुरुङ, उनकी श्रीमती ३१ वर्षीया शिवमाया गुरुङको मृत्यु भएको छ । उनीहरुका १० वर्षका छोरा दिनेश र १८ महिनाकी छोरी कृतिका बेपत्ता भएको बताइएको छ ।
जिल्ला प्रहरी कार्यालयका अनुसार रातिदेखि उद्धार कार्य थालिएको छ । घटनाको विस्तृत विवरण आउन बाँकी छ ।
टिप्पणीहरू