चट्याङबाट एउटै गोठका ४५ भेडा मरे
म्याग्दीमा गएराति परेको चट्याङको कारण ४५ भेडा मरेका छन् । अन्नपूर्ण गाउँपालिका–३, फुर्केरुख खर्कमा चट्याङका कारण ती भेडा मरेको बताइएको छ ।
स्थानीय छकबहादुर पुनको गोठमा रहेका भेडा मरेका हुन् । चराउन लेकमा लगिएका ती भेडा राति खर्कमा बास बसेको स्थानमा चट्याङ परेको हो । ती भेडा र अन्य क्षतिबारे बुझ्न स्थानीय, प्रहरी र जनप्रतिनिधि घटनास्थलतर्फ गएको बताइन्छ ।
टिप्पणीहरू