बसको ठक्करबाट सन्दीप गम्भीर घाइते
काभ्रेपलाञ्चोकमा स्कुल बसले ठक्कर दिँदा एक बालक गम्भीर घाइते भएका छन् ।
भकुण्डे बजारबाट कटुञ्जेतर्फ जाँदै गरेको स्कुल बसले ठक्कर दिँदा नमोबुद्ध नगरपालिका वडानम्बर ८ का ४ वर्षीय सन्दिप लामा घाइते भएका हुन् ।
विद्यामन्दिर माध्यमिक विद्यालयमा अध्ययनरत उनलाई आज बेलुकी साढे ५ बजे सोही स्कुलको बा.१ क ५३६५ नम्बरको बसले ठक्कर दिएको प्रहरीले जनाएको छ ।
बसले साइडबाट ठक्कर दिएपछि गम्भीर घाइते भएका उनलाई अस्पताल पुर्याइएको छ । बस चालक स्थानीय ३५ वर्षीय पवन हुमागाईंलाई नियन्त्रणमा लिएर आवश्यक अनुसन्धान थालिएको छ ।
टिप्पणीहरू