प्रधानमन्त्रीको पत्नी वियोगमा रास्वपा मर्माहत

प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डकी धर्मपत्नी सीता दाहालको निधनप्रति राष्ट्रिय स्वतन्त्र पार्टी (रास्वपा) ले दुःख व्यक्त गरेको छ । 

प्रवक्ता डा. मुकुल ढकालले शोक वक्तव्य जारी गर्दै सीताको निधनले आफूहरु मर्माहत र स्तब्ध भएको बताएका हुन् । ‘सम्माननीय प्रधानमन्त्री पुष्पकमल दाहाल प्रचण्डकी धर्मपत्नी सीता दाहालको आज मिति २०८०।०३।२७ गते बिहान असामयिक निधन भएको खबरले हामी मर्माहत र स्तब्ध भएका छौँ’, शोक वक्तव्यमा भनिएको छ ।

 

रास्वपाले मृतआत्माको चीर शान्तिको कामना गर्दै स्वर्गीय दाहालप्रति श्रद्धाञ्जली व्यक्त गरेको छ ।