पत्नी वियोगको पीडामा रहनुभएका प्रधानमन्त्रीलाई भारतीय समकक्षीको समवेदना

भारतीय प्रधानमन्त्री नरेन्द्र मोदीले पत्नी शोकमा रहनुभएका नेपालका समकक्षी पुष्पकमल दाहाल प्रचण्डलाई समवेदना प्रकट गर्नुभएको छ । 

दिवंगत सीता दाहाललाई श्रद्धाञ्जली दिँदै मोदीले प्रधानमन्त्री प्रचण्डलाई समवेदना दिनुभएको हो । ट्वीट गर्दै मोदीले पत्नी सीताको दुःखद निधन भएको खबरले मर्माहत भएको बताउनुभएको छ । 

प्रधानमन्त्री प्रचण्डलाई मेन्सन गर्दै ट्विटमा लेखिएको छ, ’श्रीमती सीता दाहालको दुःखद निधनको खबरले मर्माहत भएको छु ।’

लामो समयदेखि वंशाणुगत पार्किन्सनजस्तो देखिने रोगबाट पीडित सीताको उपचारकै क्रममा आज बिहान ८ बजेर ३३ मिनेट जाँदा निधन भएको हो ।