सोह्रखुट्टेमा बसको ठक्करबाट मोटरसाइकल चालक बिते
काठमाडौंको ठमेल नजिकै सोह्रखुट्टेमा आज बिहान भएको सवारी दुर्घटनामा मोटरसाइकल चालकको निधन भएको छ । बिहान साढे ६ बजेको समयमा सोह्रखुट्टेको उकालोमा बालाजुबाट लैनचौरतर्फ गइरहेको बसले सोही दिशामा गुडिरहेको मोटरसाइकललाई ठक्कर दिएको थियो ।
बा.४ ख ७४११ नम्बरको तारकेश्वर यातायातले बा.६४ प ४९३२ नम्बरको मोटरसाइकललाई ठक्कर दिँदा मोटरसाइकल चालक शिवसुन्दर गजुरेल गम्भीर घाइते भएका हुन् । नुवाकोट बेलकोटगढी ९ का २३ वर्षे गजुरेलको नयाँ बजारस्थित पिपुल्स जनरल हस्पिटलमा उपचारको क्रममा मृत्यु भएको बताइएको छ ।
टिप्पणीहरू