ओखलढुंगा सदरमुकाममा पहिरो, पक्की घरहरु क्षतिग्रस्त

ओखलढुंगाको सदरमुकाम नजिकै गएको पहिरोमा तीन वटा घर क्षतिग्रस्त भएको छ । हिजोदेखि परेको अविरल वर्षापछि आएको पहिरोले सिद्धिचरण नगरपालिका–१२ को खोरिया टोलका तीन घरमा क्षति पुर्याएको छ । पहिरोका कारण दुई जना घाइते भएका छन् ।

स्थानीय सोमबहादुर खत्रीको साढे तीन तला र पेशल खत्रीको तीन तले घर क्षतिग्रस्त भएको बताइएको छ । पहिरोका कारण लाखौंको क्षति भएको छ ।कोलबहादुर खत्रीको कुखुरा फार्म पनि पहिरोमा पुरिएको छ । फार्ममा ७० वटा कुखुरा थिए ।