दोलखाको पहिरोमा तीन जना बेपत्ता, तीन घाइते
दोलखामा गएको पहिरोमा तीन जना बेपत्ता भएका छन् । गौरीशंकर गाउँपालिका–८, टोपटारमा पहिरोले घर बगाउँदा उनीहरु बेपत्ता भएका हुन् भने तीन जना घाइते छन् ।
बेपत्ता र घाइतेको परिचय खुल्न नसकेको वडा अध्यक्ष दावा शेर्पाले जानकारी दिए । यस्तै टोपाटारमा ३ घर पुरिएको उनले जनाए । अविरल वर्षापछि आएको पहिरोमा १५ घर परिवार विस्थापित भएका छन् । गाउँको झोलुङ्गे पुल पनि बगाएको प्रहरीले जनाएको छ ।
बाढी र पहिरोले पुर्याएको क्षतिको पूर्ण विवरण प्राप्त भइसकेको छैन ।
टिप्पणीहरू