केदारनाथको पहिरोमा दर्जन नेपाली तीर्थयात्री बेपत्ता, तीन जनाको शव फेला
भारतको केदारनाथ पुगेका नेपाली तीर्थयात्रीहरु पहिरोमा पुरिएका छन् । हालसम्म ११ जना बेपत्ता भएको तीन जनाको शव फेला परेको बताइन्छ ।
ती सबै हुम्लाका भएको बुझिएको छ । उनीहरु गौरीकुण्डबाट केदारनाथ जाने बाटोमा रहेको होटलमा बसेको बेलामा आएको पहिरोमा परेका हुन् ।
गृह मन्त्रालयका प्रवक्ता नारायणप्रसाद भट्टराईले उक्त घटनाबारे आवश्यक समन्वय र सहजीकरणका लागि समन्वय गर्न परराष्ट्र मन्त्रालयसँग पत्राचार भएको जानकारी दिएका छन् । घटनाको विस्तृत विवरण प्राप्त भइनसकेको बताइएको छ ।
टिप्पणीहरू