त्रिवेणीमा सडकबाट बस खस्यो, एक दर्जन घाइते
रोल्पाको त्रिवेणी गाउँपालिकामा सडकबाट बस खस्दा एक दर्जन यात्रु घाइते भएका छन् ।
त्रिवेणी गाउँपालिका ७, तिलास्थित रिचीगाउँ नजिकै ना.५ ख २६१२ नम्बरको बस दुर्घटना हुँदा ती यात्रु घाइते भएका हुन् । रोल्पाको बागमाराबाट दाङको घोराहीतर्फ आउँदै गरेको बस सडकबाट एक सय मीटर तल खसेको बताइएको छ ।
जिल्ला प्रहरी कार्यालय रोल्पाका सूचना अधिकारी प्रकाश भुसालले हाल घाइतेको उद्धार भइरहेको जानकारी दिए । उनले दुर्घटनामा १० जनाभन्दा बढी घाइते भएको बताए ।
दुर्घटनाबारे थप विवरण आउन बाँकी छ ।
ट्रेन्डिङ पोस्ट
टिप्पणीहरू