पोखरा जाँदै गरेको बस त्रिशुलीमा खस्यो,८ जनाको मृत्यु,थुप्रै घाइते
धादिङको छहरा नजिकै त्रिशुली नदीमा यात्रुवाहक बस खस्दा ८ जनाको ज्यान गएको छ ।
आज बिहान काठमाडौंबाट पोखरा जाँदै गरेको प्रदेश ३–०१–००५ ख ९९५२ नम्बरको बस पृथ्वी राजमार्ग अन्तर्गत गजुरी गाउँपालिका- २ छहराबाट त्रिशुली नदीमा खसेको थियो । उक्त दुर्घटनामा आठ जनाको निधन भएको छ ।
जिल्ला प्रहरी कार्यालय धादिङका प्रवक्ता एवं नायब उपरीक्षक (डिएसपी) सत्नु जैसवालका अनुसार दुर्घटनामा ८ जना गम्भिर घाइते छन् । हालसम्म १६ जनाको उद्धार गरिएको छ ।
घाइतेलाई नजिकैको स्वास्थ्य चौकी लगिएको उनले बताएका छन् । नेपाल प्रहरी,सशस्त्र प्रहरी र नेपाली सेनाको टोली परिचालित गरी उद्दार कार्य भइरहेको जैसवालले जानकारी दिएका छन् ।
बस आफैं अनियन्त्रित भई सडकबाट ३५/४० मीटर तल खसेको बताइएको छ ।
ट्रेन्डिङ पोस्ट
टिप्पणीहरू