जडिबुटीको सवारी दुर्घटनामा सशस्त्र प्रहरी जवानको मृत्यु (अपडेट)

कोटेश्वरको जडिबुटी नजिकै भएको सवारी दुर्घटनामा घाइते अर्का एक जनाको पनि निधन भएको छ ।

मूलपानीबाट पेप्सीकोला हुँदै रत्नपार्कतर्फ आइरहेको बसले तीनवटा सवारी साधनलाई ठक्कर दिँदा दुई जनाको मृत्यु भएको छ । बसले आज बिहान एउटा जिप, एउटा मोटरसाइकल र एउटा स्कुटरलाई ठक्कर दिएको थियो ।

घाइतेमध्ये सशस्त्र प्रहरी बल नम्बर २० विपद् उद्धार उपत्यका गण सिनामंगलमा कार्यरत सशस्त्र प्रहरी जवान २५ वर्षीया उषा थापाको उपचारको क्रममा मृत्यु भएको छ । त्यसअघि सर्लाहीका २१ वर्षीय राज भट्टराईको पनि सिभिल अस्पतालमा निधन भएको हो ।