विद्यालयबाट फर्केका दाजु बहिनीलाई खोलाले बगायो

रूकुम पश्चिममा एकै घरका दाजु बहिनीलाई खोलाले बगाएको छ । चौरजहारी नगरपालिका ६, घर्तिकाँडाका रतन बुढाथोकीका १० वर्षीय छोरा मनोज र ६ वर्षीया छोरी भावनाको मृत्यु भएको छ । 

हिजो अपरान्ह विद्यालयबाट घर फर्कंदा उनीहरुलाई बाढीले बगाएको हो । रुकुम पश्चिममा हिजो दिउँसो हुरिबतास सहित ठूलो वर्षा भएको थियो । जिल्ला प्रहरी कार्यालय रुकुम पश्चिमका अनुसार दाजु बहिनीलाई नाउलाखोलामा आएको बाढीले बगाएको हो । 

मृतक मनोज कक्षा ३ र भावना कक्षा १ मा अध्ययनरत थिए ।