तुरतुरेको सुख्खा पहिरोपछि पृथ्वीराजमार्ग अवरुद्ध

तनहुँको म्याग्दे–६, तुरतुरेमा सुख्खा पहिरो खसेको छ । पहिरो लगातार खसेकाले पृथ्वी राजमार्गमा सवारी आवागमन अवरुद्ध भएको छ ।

जिल्ला प्रहरी कार्यालय, तनहुँले पहिरो हटाउने कार्य भइरहेको जानकारी दिएको छ । तर, माथिबाट सुख्खा पहिरो खसिरहेकाले आवागमन सुचारु हुन सकेको छैन ।

राजमार्गको दुबैतर्फ सवारी साधनको लामो लाइन लागेको छ ।