रसुवामा मिनी ट्रक पल्ट्यो, तीन जनाको मृत्यु

रसुवामा हिजो साँझ गुडिरहेको मिनी ट्रक पल्टिँदा तीन जनाको घटनास्थलमा मृत्यु भएको छ । आमाछोदिङ्मो गाउँपालिका–२, नेसिङ खोलामा भएको दुर्घटनामा स्थानीय ३२ वर्षीय अक्कलबहादुर तामाङ, ३० वर्षीय फुर्पु छेवाङ तामाङ र ३९ वर्षीया पेम्वाडोल्मा तामाङको मृत्यु भएको बताइएको छ ।

जिल्ला प्रहरी कार्यालय, रसुवाका अनुसार दुर्घटनामा आलु लोड गरिएको मिनी ट्रक सडकबाट दुई सय मिटर तल खसेको छ । ट्रकमा रहेका अन्य पाँच जना घाइते भएका छन् । 

उनीहरुको जिल्ला अस्पताल धुन्चेमा उपचार भइरहेको छ ।