नहरमा एक पुरुषको शव भेटियो
रुकुम पश्चिमको चौरजहारीमा एक पुरुष मृत अवस्थामा फेला परेका छन् ।
चौरजहारी नगरपालिका वडा नम्वर ४ का माझँगाउका ६० वर्षिय भुपेन्द्र बुढाथोकी नगरपालिकाको वडा नम्वर २ र ४ को सिमाना पर्ने कालाखोलामा मृत अवस्थामा फेला परेको प्रहरीले जनाएको छ ।
जिल्ला प्रहरी कार्यालयका प्रहरी नायब उपरिक्षक नमराज भट्टराईका अनुसार आईतबार दिउँसो खोलागाउँ हुँदै चौरजहारीतर्फ जाने नहरमा बुढाथोकीको शव फेला परेको हो । घर देखि करिब एक घण्टा टाढाको दुरीमा उनको शव भेटिएको हो ।
बुढाथोकीको शव पोष्टमार्टमको लागि जिल्ला अस्पताल सल्ले ल्याईएको छ । प्रारम्भिक जानकारी अनुसार अत्याधिक मदिरा सेवनको कारण नहरमा लडेपछि ज्यान गएको हुनसक्ने प्रहरीको भनाई छ । घटनाको अनुसन्धान भने सुरु गरिएको प्रहरीले बताएको छ ।
ट्रेन्डिङ पोस्ट
टिप्पणीहरू