सुनकोशीमा फूलको डाली तार्न खोजेका गणेश बिते

सिन्धुपाल्चोकको बलेफीमा सुनकोशी नदीले बगाएका स्थानीय गणेश गिरीको निधन भएको छ । आज बिहान महादेव मन्दिरबाट सुनकोशीमा हिँडेर विजयादशमीको फूलपाती तार्ने क्रममा उनी बगेका थिए । 

बिहान ७ बजेको समयमा अन्दाजी ३५ वर्षका गणेश नदीमा बेपत्ता भएको बताइन्छ । त्यसपछि प्रहरी चौकी बलेफीबाट प्रहरी हवल्दार नारायण पाठकको कामाण्डमा तीन जनाको टोलीले उनको खोजी गरेको थियो । त्यसपछि उनलाई साँगाचोक गढी नगरपालिका ९, सालबगरमा नदीबाट बाहिर निकालिएको हो । 

उपचारार्थ सिन्धु सदाबहार अस्पताल खाडीचौर पुर्याइए पनि उनलाई चिकित्सकहरुले मृत घोषणा गरेका हुन् ।