बसबाट ओर्लन लाग्दा लडेर निधन

कपिलवस्तुमा बसबाट लडेर एक युवतीको ज्यान गएको छ । बाणगंगा नगरपालिका-७ मोतीपुरकी २६ वर्षीया सिर्जना गिरीको बसबाट झार्ने क्रममा लडेर निधन भएको हो । 

आज दिउँसो लु.१ ख ८६७७ नम्बरको बसबाट झार्ने क्रममा लडेर उनी गम्भीर घाइते भएकी थिइन् । तत्कालै उपचारार्थ बुटवलस्थित चौराहा अस्पताल लगिएकोमा उनको उपचारको क्रममा मृत्यु भएको प्रहरीले जानकारी दिएको छ ।

प्रहरीले बस चालकलाई नियन्त्रणमा लिएर घटनाका सम्बन्धमा आवश्यक अनुसन्धान गरिरहेको जनाएको छ ।