रुकुम पश्चिमका १० घाइतेलाई नेपाल एयरलाइन्सको जहाजबाट नेपालगञ्ज लगियो
भूकम्पमा परी गम्भीर घाइते भएका १० जनाको उद्धार गरि उपचारका लागि नेपालगंज पुर्याइएको छ ।
शुक्रबार राति गएको भूकम्पमा परी घाइते भएका रुकुम पश्चिमका १० जना र ७ बिरामी कुरुवालाई नेपाल एयरलाइन्सको जहाजबाट आज बिहान नेपालगंज लगिएको हो । उद्धारका लागि आज बिहानै नेपाल एयरलाइन्सको आरए ९ एन एबिटी जहाज काठमाडौँबाट चौरजहारी पुगेको थियो ।
जाजरकोटको रामीडाँडाँ आसपासलाई केन्द्रविन्दु बनाएर हिजोराति गएको भूकम्पमा परी हालसम्म १२९ जनाको ज्यान गैसकेको छ भने १४० जना घाइते भएका छन् । पीडितको उद्धार र राहतका लागि २६ जनाको टोलिसहित प्रधानमन्त्री पुष्पकमल दाहाल प्रचण्ड बिहानै प्रभावित क्षेत्र पुग्नुभएको छ ।
प्रधानमन्त्रीले नेपाल एयरलाइन्सका सबै जहाजलाई उद्धारमा खटाउन निर्देशन दिनुभएको थियो ।
ट्रेन्डिङ पोस्ट
टिप्पणीहरू