लिङ्गदेनका दुई नेताले कमल थापा रोजे
राजेन्द्र लिङ्गदेन नेतृत्वको राप्रपाका केन्द्रीय सदस्य जयलाल पुन र पोखरा महानगर अध्यक्ष महेश्वर आचार्य कमल थापाको राप्रपा नेपालमा प्रवेश गरेका छन् ।
आज पोखरामा आयोजित एक कार्यक्रममा यी दुईसहित राप्रपा कास्कीका विभिन्न जिम्मेवारीमा रहेका नेता-कार्यकर्ता राप्रपा नेपालमा मिसिएका हुन् । पार्टी प्रवेश गर्नेमा कांग्रेस कास्कीका पूर्वकोषाध्यक्ष ऋषि सापकोटा, खेम बहादुर गुरुङ ,गुरुदत्त पहाडी, बिराज कार्कीलगायत छन् ।
उनीहरुलाई सो पार्टीका अध्यक्ष थापाले खादा र माला लगाएर आफ्नो पार्टीमा भित्र्याए । नवप्रवेशीहरुलाई स्वागत गर्दै उनले राप्रपा नेपाललाई मुलुकको बलियो राजनीतिक शक्ति बनाएरै छाड्ने दावीसमेत गरे ।
टिप्पणीहरू