इलाममा बस दुर्घटना, एकको मृत्यु

इलामको रोङ गाउँपालिकामा बस दुर्घटना भएको छ । ४० जना सवार बस किटानी भन्ने स्थानमा दुर्घटना भएको बताइएको छ । 

दुर्घटनामा एक जना बालकको ज्यान गएको जिल्ला प्रहरी कार्यालय, इलामले जनाएको छ । बसमा सवार अन्यको उद्धार कार्य भइरहेको छ । 

‘धनुषाबाट इलाम घुम्न आएको टोली दुर्घटनामा परेको हो । दुर्घटनामा एक जनाको ज्यान गएको छ । अन्यको उद्धार भइरहेको छ । विस्तृत विवरण आउन बाँकी छ’, एक जना प्रहरी अधिकृतले भने ।