दुई वटा मोटरसाइकल ठोक्किँदा तीन जना बिते, एक घाइते

सिरहामा भएको सवारी दुर्घटनामा तीन जनाको निधन भएको छ । दुई वटा मोटरसाइकल ठोकिँदा उनीहरुको मृत्यु भएको हो । सिरहा नगरपालिका–१९, सन्हैठा चोकमा गएराति मोटरसाइकल ठोक्किएको बताइएको छ ।

स.२ प ४५३१ नम्बरको मोटरसाइकल र प्रदेश २–०१–००१ प १८५० नम्बरको मोटरसाइकल आपसमा ठक्कर खाँदा सिराहाको अर्नामा गाउँपालिका– ५ का २७ वर्षीय दिनेशकुमार यादव, ३२ वर्षीय रामवृक्ष यादव र १९ वर्षीय मुकेशकुमार सिंहको ज्यान गएको हो । 

प्रहरीका अनुसार उनीहरु सबै उपचारको क्रममा बितेका हुन् । घाइते १५ वर्षीय युवराजकुमार यादवको अवस्था गम्भीर छ ।