प्रहरीमा भर्ना गरिदिने कबोल गरेर पैसा उठाउँदै हिँडेका भोला समातिए
जागिरको प्रलोभन देखाएर मान्छे ठग्दै हिँड्ने एक व्यक्ति समातिएका छन् । सल्ल्यानको कालिमाटी गाउँपालिका-२ कट्विरका भोला पुनलाई ठगीको आरोपमा प्रहरीले पक्राउ गरेको हो ।
६ जनाबाट ३ लाख ठगेको आरोप लागेपछि प्रहरीको खोजीमा रहेका उनलाई त्रिवेणी गाउँपालिका-६ लुहामबजारबाट पक्राउ गरेको प्रहरीले जनाएको छ ।
भोलाले कालिमाटी-२ टाट्केका सुशिल कुमार पुन, योगेन्द्र थापा, जनक केसी, सुरेश खत्री, नेत्रलाल केसी र महेश कुमार केसीलाई [प्रहरी जवान र असईमा जागिर मिलाइदिने विश्वास दिलाएर प्रतिव्यक्ति ५० हजारका दरले ३ लाख असुली गरेको प्रहरी अनुसन्धानबाट खुलेको छ ।
प्रहरीका उच्च पदस्थ अधिकारीसँग आफ्नो राम्रो सम्पर्क रहेको र पहिले पनि धेरै जनालाई जागिर लगाई सकेकाले शतप्रतिशत काम हुने विश्वासमा पारेर उनले पीडितहरूलाई आफ्नो घरको काममासमेत लगाउने गरेको पाइएको छ ।
ट्रेन्डिङ पोस्ट
टिप्पणीहरू