पूर्वराजा नेपालगञ्ज प्रस्थान, आरजू राणाको काठमाडौं आगमन

पूर्वराजा ज्ञानेन्द्र शाह नेपालगञ्ज जानुभएको छ । उहाँ बुद्ध एअरको उडानमा आज अपरान्ह काठमाडौंबाट त्यता जानुभएको नेपालगञ्ज विमानस्थल स्रोतले बताएको छ । 

आजै नेपाली काँग्रेस नेतृ तथा प्रतिनिधिसभा सदस्य डा. आरजू राणा नयाँ दिल्लीबाट फर्कनुभएको छ । उहाँ नेपाल वायुसेवा निगमको उडान नम्बर आरए २१८ मा साँझ साढे ६ बजे काठमाडौं आइपुग्नुभएको हो ।

चैत २ गते त्यता जानुभएकी राणाका गत बुधबार हाइपर पाराथाइराडिज्मको शल्यक्रिया गरिएको थियो । काँग्रेस सभापति शेरबहादुर देउवाकी पत्नी राणाको भारतको नयाँ दिल्लीस्थित म्याक्स हस्पिटलमा शल्यक्रिया भएको हो ।

शल्यक्रियापछि स्वास्थ्यलाभ गरेर उहाँ आज स्वदेश फर्कनुभएको हो ।