प्रतिनिधिसभा बैठक स्थगित, काँग्रेस आफ्नो मागमा अडिग

नेपाली काँग्रेसले अवरोध गरेपछि आज बिहान ११ बजे बसेको प्रतिनिधिसभा बैठक भोलि बिहान ११ बजेसम्मका लागि स्थगित भएको छ ।

गृहमन्त्री रवि लामिछानेमाथि लागेको सहकारी ठगीसम्बन्धी छानबिनका लागि संसदीय समिति गठन गर्नुपर्ने माग राख्दै आएको काँग्रेसले बैठक सुचारु हुन नसक्ने चेतावनी दिएको थियो । 

उनीहरुले बैठकमा उभिएर विरोध जनाएका हुन् । सभामुखले १५ मीनेटका लागि बैठक स्थगित गरे पनि काँग्रेसले अवरोध जारी राख्ने बताएपछि भोलिसम्म स्थगित गरिएको सूचना टाँसिएको हो ।