पिके क्याम्पसका संयोजकले टाँगिन् त्रिचन्द्रमा कालो ब्यानर

राजधानीको घण्टाघरस्थित त्रिचन्द्र क्याम्पसको गेटमा कालो ब्यानर टाँगिएको छ । अखिल (क्रान्तिकारी) ले आफ्ना नेता मिलन राईको अपहरणशैलीमा भएको गिरफ्तारीको विरोधमा आज दिउँसोबाट कालो ब्यानर झुण्डाएको बताएको छ ।

(क्रान्तिकारी) केन्द्रीय समितिको सर्कुलर अनुसार निःशुल्क, समान र गुणस्तरीय शिक्षासहित शिक्षा क्षेत्रको आमूल रुपान्तरणका लागि संघर्षरत संगठनका केन्द्रीय संयोजक मिलन राईलाई प्रहरीले गिरफ्तार गरेको उनीहरुको आरोप छ । उक्त ब्यानर अखिल क्रान्तिकारी पि.के. क्याम्पस संयोजक लक्ष्मी पाण्डेको नेतृत्वमा गएको टोलीले टाँगेको बताइएको छ ।

ब्यानरमा तथाकथित अभद्र व्यवहारको मुद्दा– खारेज गर !, राज्यदमन–मुर्दावाद !, शैक्षिक माफियाहरु–होसियार !, प्रहरीद्वारा गरिएको घीनलाग्दो राजनीति –बन्द गर !, दलाल संसदीय व्यवस्था–मुर्दावाद !, अखिल (क्रान्तिकारी) का केन्द्रीय संयोजक मिलन राईलाई निःर्सत स–सम्मान –रिहाई गर ! लेखिएको छ ।