राजनीतिक स्टण्डबाजी नगर्न गृहमन्त्रीलाई शाहीको सुझाव

राष्ट्रिय प्रजातन्त्र पार्टीका सांसद ज्ञानेन्द्र शाहीले उपप्रधान तथा गृहमन्त्री रवि लामिछानेलाई सरकारबाट बाहिरिँदै गरेको बेलामा पनि भ्रष्टाचारका फाइल खोल्न चुनौती दिएका छन् । उनले सरकार अझै एक महिना टिक्ने भएकाले यसबीचमा धमाधम फाइल खोल्न आग्रह गरेका हुन् ।

गृहमन्त्रीले भ्रष्टहरुलाई जोगाउन नयाँ गठबन्धन बनेको अभिव्यक्ति दिएपछि शाहीले राजनीतिक स्टन्डबाजीको सट्टा सरकार ढल्ने बेलामा नयाँ फाइल खोल्न सुझाएका हुन् । 

‘तीन महिना १५ दिनसम्म नखुलेको फाइलहरु अब सरकार ढल्नेबेला खुल्न थालेको रहेछन्’, लेखेका छन्, ‘फाइल खुल्ने भए अझै एक महिना यही सरकार हुन्छ, धमाधम खोल्नुहोस र जेल हाल्नुहोस, हाम्रो समर्थन हुन्छ । हैन भने सिर्फ राजनीति स्टन्डबाज नगरौँ ।’