मलिकालाई कोसँग माया बस्यो ?

चलचित्र ‘सतिदेवी’मा रहेको ‘माया बसेको रैछ’ बोलको गीत सार्वजनिक भएको छ । गीत ओएसआर डिजिटलबाट सार्वजनिक गरिएको हो । 

गीतको भिडियोमा मुख्य अभिनेत्री मलिका महत र सन्दिपबाबु लोहनी फिर्चड छन् । प्राकृतिक वातावरण तथा खोला किनारका दृश्य र रोमान्टिक केमेस्ट्रीले गीतको सौन्दर्य बढाएको देखिन्छ । 

लक्ष्मण सुवेदीको शब्दलाई प्रदाप दास र दीपा लामाले स्वर दिएका छन् । सुवेदीकै लेखन तथा निर्देशनमा तयार भएको चलचित्र भदौ ७ गतेबाट प्रदर्शनमा आउदैछ । 

आधा दर्जन राष्ट्रिय तथा अन्तराष्ट्रिय चलचित्र महोत्सवमा अर्वाड जितिसकेको चलचित्रमा मलिका र सन्दिपको अलावा हर्षिका वली, मन्जिला बानियाँ, रमेश वुढाथोकी, कुल बहादुर अधिकारी, भोलाराज सापकोटा, श्रृजना अधिकारी, सुजिता सिवाकोटी, सन्देश लिम्बु, मनीषा सापकोटाको अभिनय रहेकाे छ ।