ग्लोबल बैंकमा रत्नराज गए, सुरेन्द्रराज आए

ग्लोबल आइएमई बैंकमा नवनियुक्त प्रमुख कार्यकारी अधिकृत सीइओ सुरेन्द्रराज रेग्मीले आजदेखि पदभार ग्रहण गरेका छन् । अस्तिदेखि यसअघिका सीईओ रत्नराज बज्राचार्यको चार वर्षे कार्यकाल सकिएको थियो ।

रेग्मीले बैंकका अध्यक्ष चन्द्रप्रसाद ढकालसमक्ष पद तथा गोपनीयताको शपथ लिएपछि पदभार ग्रहण गरेका हुन् । तीन दशकअघि उनले राष्ट्रिय वाणिज्य बैंकबाट बैंकिङ करियर शुरु गरेका थिए । ग्लोबल बैंकमा १६ वर्षअघि प्रवेश गरेका हुन् ।

पदभार ग्रहण गर्दै रेग्मीले आगामी दिनमा बैंकको ब्राण्ड, नेटवर्क र बजार हिस्सा बढाउने प्रतिबद्धता जनाएको बताइएको छ ।