सशस्त्रमा के को हो संकट ?

बाढीमा आफ्नो कमजोरी नदेखेको भए पनि सशस्त्रका आन्तरिक विषय भने चर्चाको विषय बनिरहेका छन् । २०८० साल भदौ ४ गते डिआइजी कमल गिरीलाई काजमा एकेडेमी पठाइयो । अर्का डिआइजी अभि खत्री ५ नम्बर बाहिनी गए । 

त्यसैगरी चार जना एसएसपीलाई विभिन्न केन्द्रमा काज तोकियो । यसबीच खत्री सेवानिवृत्त भएर घर फर्किएका छन् । बाँकी सबै एसएसपीलाई एक वर्ष कार्यकाल सकेर २०८१ साउन ३२ गते तोकिएको मितिमै आ–आफ्नो ठाउँमा सरुवा गरियो । 

सशस्त्रका तालिम केन्द्रहरू पनि असोज ११ र १२ गतेको विपतमा प्रभावित बने । सशस्त्र बलका कतिपय युनिट स्वयम्लाई उद्धार गर्नुपरेको पछिल्लो घटनाले देखाउँछ । ककनीमा दुई जनाले ज्यान गुमाए भने नौवस्तामा एक जनाको ज्यान गयो । 

विभिन्न तालिम केन्द्रमा गरेर अहिले एक सयभन्दा बढी घाइते छन् । एकातिर केही डिआइजी खाली छन् । उनीहरु त्यत्तिकै हेडक्वार्टरमा हल्लिएर बसिरहेका छन् । पुरुषोत्तम थापा, कुमार न्यौपाने, लक्ष्मण सिंह र दिपेन्द्र शाह तिनैमध्येमा पर्दछन् ।