पोखराको व्यापार बढेकोमा एमाले सांसद खुशी

नेकपा एमालेका सांसद गोकुल बाँस्कोटाले लोकतन्त्रमा भीडले दबाब सिर्जना गरे पनि निर्णय गर्न भने नसक्ने टिप्पणी गरेका छन् । 

रास्वपाका सभापति रवि लामिछाने पक्राउको विरोधमा कार्यकर्ताले गरेको प्रदर्शनलाई लक्षित गर्दै उनले सामाजिक सञ्जालमार्फत यस्तो बताएका हुन् । कानुन आकर्षित भएको विषयमा अनाश्यक भीड जम्मा गरेर कन्पारो तताउने कि नतताउने ? बाँस्कोटाले  रास्वपालाई रोज्ने सुविधा पनि दिएका छन् ।

‘कानुन आकर्षित भएका विषयमा डेमोक्रेसीले दबाबपूर्ण एक्सन त गर्न सक्छ तर फैसला गर्न सक्दैन’, उनले भनेका छन्, ‘कन्पारो तताउनु- नतताउनु हरेकको आफ्नै मर्जी ।’

पूर्वमन्त्रीसमेत रहेका बाँस्कोटाले रास्वपा कार्यकर्ताको भेलाले पोखराको व्यापार बढेकोमा भने खुशी व्यक्त गरे । ‘थप पाच/सात हप्ता पनि यस्तै रह्यो भने पोखराले राम्रै कमाई गर्ने भो’, उनको भनाई छ । 

बाँस्कोटाले यस्तो अभिव्यक्ति दिइरहँदा कतिपय सञ्जाल प्रयोगकर्ताले भने ‘के को व्यापार बढ्यो ?’ भनेर सोधका छन् । जवाफमा मानबहादुर गुरुङले ‘होटलहरु हाउसफूल छन्’, भनेका छन् । 

निरज घिमिरेले मेडिकल तथा फार्मेसीको व्यापार बढेको भन्दै कटाक्षपूर्ण टिप्पणी गरेका छन्, ‘पोखराको आन्दोलन सुरक्षित छ, असुरक्षित छैन ।’

कण्डमको बिक्री ह्वात्तै बढेपछि पोखराका औषधि पसले दंग