उपनिर्वाचनअघि वालिङमा वडा सदस्यको निधन

स्याङजाको वालिङ नगरपालिका–११ का वडा सदस्य ताराप्रसाद पराजुलीको निधन भएको छ । फोक्सोको रोगबाट ग्रसित ५९ वर्षीय पराजुलीको आज निधन भएको र आजै अन्तिम संस्कार गरिएको बताइएको छ ।

पराजुली २०७९ र २०७४ को चुनावमा वडा सदस्य निर्वाचित भएका हुन् । स्वर्गीय पराजुलीका श्रीमती, चार छोरी र दुई छोरा छन् ।

मुलुकभर रिक्त स्थानीय तहका ४४ जनप्रतिनिधिको निम्ति मंसिर १६ गते उपनिर्वाचन हुँदै छ ।