कालीकोट दुर्घटना : घाइतेहरुलाई सुर्खेत पुर्याइयो (नामावलीसहित)

कालीकोटको जीप दुर्घटनामा गम्भीर घाइते भएकाहरुलाई नेपाली सेनाको हेलिकोप्टरमा राखेर सुर्खेत पुर्याइएको छ । आज दिउँसो पलाता गाउँपालिका–३ मा जीप दुर्घटना हुँदा छ जनाको घटनास्थलमै मुत्यु भएको थियो भने १३ जना घाइते भएका हुन् । तीमध्ये आठ जना गम्भीर घाइतेलाई हेलिकोप्टर मार्फत् सुर्खेत पुर्याइएको छ । 

क.१ज नम्बरको उक्त जीप वडा नम्बर ३ बाट वडा नम्बर ९ का लागि गुडेको थियो । तर अनियन्त्रित भएपछि जीप सडकबाट तीन सय मिटर तल खसेको  जिल्ला प्रहरी कार्यालय कालीकोटका इन्सपेक्टर गोविन्दप्रसाद चौधरीले जानकारी दिए । उनका अनुसार घटनाबारे अनुसन्धान भइरहेको छ । 

दुर्घटनामा ज्यान गुमाउनेहरुमा वडा नम्बर ६ का दशकला शाही, पदम बम, भगवती रोकाया, गणेश शाही, वडा नम्बर ५ कि छायाँ शाही र वडा नम्बर ३ कि दमन रोकाया छन् । त्यस्तै घाइते हुनेहरुमा रिदम शाही, प्रतीक्षा शाही, आशिष रोकाया, भुपेन्द्र रोकाया, दानबहादुर रोकाया, निर्मला रोकाया, जगत रोकाया, धनीराम रावत, दोलि विक र आयुशा विक हुन् ।