रास्वपाका सांसदहरु सिंहदरबारमा जुट्दै
राष्ट्रिय स्वतन्त्र पार्टी (रास्वपा)ले संसदीय दलको बैठक बोलाएको छ ।
सभापति तथा दलका नेता रवि लामिछाने सहकारी ठगीमा पक्राउ परेपछि पहिलो पटक रास्वपा संसदीय दलको बैठक बस्न लागेको हो । आज दिउँसो साढे १ बजे सिंहदरबारस्थित दलको कार्यालयमा बैठक बस्ने तय भएको उपसभापति डोलप्रसाद आर्यालले जानकारी दिए ।
काठमाडौँमा उपलब्ध सांसदहरुबीच अनौपचारिक छलफल गर्न लागेको जनाउँदै उनले औपचारिक एजेण्डा नरहेको बताए ।
सभापति लामिछाने पक्राउविरुद्ध निरन्तर सडक प्रदर्शन गर्दै आएको रास्वपाले संघर्षका कार्यक्रमलाई थप प्रभावकारी बनाउने निर्णय गरिसकेको छ । आज सांसदहरुले त्यसबारे बिस्तृत छलफल गर्ने बुझिएको छ ।
हिजो दोस्रो चरणको आन्दोलन घोषणा गर्ने भनिए पनि अन्तिम अन्तिम समयमा रोकिएको थियो ।
ट्रेन्डिङ पोस्ट
टिप्पणीहरू