नेपाली नोट र सिक्कामा अबदेखि नेपाल संवत् राखिएला त !
नेपालको कागजी मुद्रा र सिक्कामा नेपाल सम्बत उल्लेख गर्नुपर्ने माग औपचारिक रुपमा गरिएको छ । सरकारको निर्णयानुसार सरकारी कामकाजमा उक्त सम्बत लेख्न थालिएको सन्दर्भमा अबदेखि नेपाल राष्ट्र बैंकले जारी गर्ने कागजी नोट, धातुका सिक्का र सुनका असर्फी तथा संस्मरणात्मक सिक्कामा पनि नेपाल सम्बत् लेख्न न्हुदँ राष्ट्रिय समारोह समितिले माग गरेको छ ।
गभर्नर महाप्रसाद अधिकारीसँगको भेटमा समिति अध्यक्ष राजेन्द्रप्रसाद श्रेष्ठलगायतको टोलीले उक्त आग्रह गरेको हो । प्रत्युत्तरमा गभर्नर अधिकारीले नेपाल संबत् नोटमा राख्न पहल गर्ने प्रतिबद्धता व्यक्त गर्नुभएको जनाइएको छ ।
नेपाली नोटमा विक्रम सम्बत र इस्वी सम्बत तथा सिक्कामा विक्रम सम्बत उल्लेख गर्ने गरिएको छ ।
ट्रेन्डिङ पोस्ट
टिप्पणीहरू