प्रधानमन्त्री डेढ बजे राजदरबार पुग्ने

एमालेले आज आयोजना गरेको जागरण सभामा प्रधानमन्त्री तथा पार्टी अध्यक्ष केपी शर्मा ओली मुख्य वक्ता हुनुहुन्छ । सभाको निम्ति दरबारमार्गमा राजदरबारको दक्षिणढोका नजिकै मञ्च बनाइएको छ । 

प्रधानमन्त्री उक्त सभालाई सम्बोधन गर्न दिउँसो साढे १ बजे त्यहाँ पुग्ने कार्यक्रम  छ । सभाअघि एमालेले भद्रकालीदेखि दरबारमार्गसम्म जुलुस निकाल्ने तयारी गरेको छ । साढे ११ बजे भद्रकालीमा भेला हुने एमाले नेता तथा कार्यकर्ता नारा लगाउँदै न्युरोड गेट,वीर अस्पताल, जमल हुँदै दरबारमार्ग जानेछन् ।

आजको आमसभालाई एमालेले ‘जागरण सभा’ नाम दिएको छ । प्रधानमन्त्रीले सोही आमसभाबाट पार्टी र सरकारका कामकारबाहीमाथि भएको चौतर्फी प्रहारको जवाफ दिनुहुने बुझिएको छ ।