छन्तुमा नेपाल र चीनका परराष्ट्रमन्त्रीबीच भेटवार्ता हुँदै
चीन भ्रमणमा रहनुभएकी परराष्ट्रमन्त्री डा.आरजु राणा देउवा र चिनियाँ विदेशमन्त्री वाङ यीबीच औपचारिक भेटवार्ता हुन लागेको छ । उहाँहरुबीच चीनको सिचुआन प्रान्तको राजधानी छन्तुमा औपचारिक हुने छलफलअघि मन्त्री राणाले त्यहाँस्थित नेपाली महावाणिज्य दूतावासका अधिकारीहरुसँग छलफल गर्नुभएको छ । चीनका लागि नेपाली राजदूत कृष्णप्रसाद ओली पनि छन्तु पुग्नुभएको छ ।
प्रधानमन्त्री केपी शर्मा ओलीले सोमबारदेखि गर्न लाग्नुभएको चीन भ्रमणको अजेण्डालाई अन्तिम रुप दिन परराष्ट्रमन्त्री राणा हिजो चीन जानु भएको हो ।
परराष्ट्रमन्त्री राणा भोलि स्वदेश फर्केर सोमबार पुनः प्रधानमन्त्रीको चीन भ्रमण टोलीमा सामेल हुँदै बेइजिङ जाने कार्यक्रम छ ।
ट्रेन्डिङ पोस्ट
टिप्पणीहरू