पूर्वप्रधानमन्त्रीकी नातिनीको बिहेमा प्रधानमन्त्री

पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डकी नातिनी स्मिता दाहालको विवाहमा प्रधानमन्त्री केपी शर्मा ओली सहभागी हुनुभएको छ । 

काठमाडौंको गोकर्णस्थित ग्राण्ड नोर्लिङ रिसोर्टमा भएको विवाह समारोहमा प्रधानमन्त्री ओली, परराष्ट्रमन्त्री डा. आरजू राणा देउवालगायत विशिष्ट व्यक्तिहरु सहभागी भएका छन् ।

  त्यसैगरी कलाकारहरु जितु नेपाल, केदार घिमिरे, शिव श्रेष्ठ, सन्दिप क्षेत्री, चेतन सापकोटालगायत विवाहको निम्तो मान्न नोलिङ रिर्सोट पुगेका छन् । त्यस्तै, विभिन्न राजनीतिक दलका नेताहरु पनि पुगेका छन् ।

आधा दर्जन हिट गीत गायकी स्मिता चल्तीकी गायिका हुन् । उनले प्रेमी सायुज्य श्रेष्ठसँग लगनगाँठो कसेकी हुन् ।