नर्सिङ संघमा चन्द्रकलाको प्यानल विजयी
नेपाल नर्सिङ संघको हिजो भएको मतदानमा चन्द्रकला शर्माको समूह विजयी भएको छ । २०औँ केन्द्रीय कार्यसमितिका लागि हिजो भएको मतदान र आजको गणनाअनुसार अध्यक्ष पदमा शर्माले दुई हजार १५० मत प्राप्त गरेकी हुन् ।
उनका निकटतम प्रतिस्पर्धी गंगाकुमारी थापाले एक हजार ३७० मत प्राप्त गरेकी छन् । अध्यक्षमा अर्की उम्मेदवार वसन्ती थापाले २८२ मत ल्याएकी छन् ।
संघको महासचिवमा डा. देवकाकुमारी आचार्य एक हजार ७३३ मत ल्याएर निर्वाचित भएकी छन् । महासचिवमा उम्मेदवारहरु मिना कुमारी कार्कीले एक हजार ३४७ र जानकी धामीले ६२२ मत पाएकी छन् ।
वरिष्ठ उपाध्यक्षमा विजयी रमेश सुब्बाले दुई हजार ६० मत ल्याएका छन् । उपाध्यक्षमा बबिता घिमिरे दुई हजार ११ ल्याएर विजयी भएकी हुन् । सदस्यहरुमा पनि सबै चन्द्रकलाको प्यानलका विजयी भएको जनाइएको छ ।
ट्रेन्डिङ पोस्ट
टिप्पणीहरू