नेपाल आर्थिक पत्रकार संघमा पहिलो महिला अध्यक्ष
नेपाल आर्थिक पत्रकार संघ (नाफिज) को अध्यक्षमा मेनुका कार्की निर्वाचित भएकी छन् । उनले अध्यक्षमा उम्मेदवार रहेका प्रतिस्पर्धी इन्द्र बानियाँलाई पराजित गरेकी हुन् । कार्कीले एक सय मत र बानियालाई ८७ मत प्राप्त भएको निर्वाचन समितिले जनाएको छ ।
महासचिवमा निकेश खत्री एक सय १२ मत ल्याएर विजयी भएका छन् । उनका प्रतिस्पर्धी नवीन ढुंगानालाई ६६ मत प्राप्त भएको छ । नतिजा अनुसार उपाध्यक्षहरुमा पिताम्बरी खतिवडा र निरोजकुमार थापा विजयी भएका छन् ।
सचिवमा राजाराम न्यौपाने, कोषाध्यक्षमा मिलन विक र सदस्यहरुमा अनिश मिजार, अनुप आचार्य, चित्रराज भण्डारी र शुक्र गिरी विजयी भएको बताइएको छ ।
नफिजको १५ औं वार्षिक साधारण सभा तथा सातौं महासभाको क्रममा आज दिउँसोबाट नेतृत्व चयनको प्रक्रिया शुरु भएको थियो ।
ट्रेन्डिङ पोस्ट
टिप्पणीहरू