देउवा र प्रचण्ड सँगसँगै एनपीएलको फाइनलमा
त्रिभुवन विश्वविद्यालयको क्रिकेट मैदान, कीर्तिपुरमा भइरहेको एनपीएलको फाइनल खेल हेर्न नेपाली काँग्रेस सभापति तथा पूर्व प्रधानमन्त्री शेरबहादुर देउवा पनि पुग्नुभएको छ । यसअघि खेल प्रारम्भ भएको केही समयपछि नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्ड त्यहाँ पुग्नुभएको थियो ।
सभापति देउवा खेलको मध्यतिर पुगेपछि उहाँहरु सँगै बसेर फाइनल हेरिरहनुभएको छ । खेल हेर्न गृहमन्त्री रमेश लेखक, उद्योगमन्त्री दामोदर भण्डारी, सुदूरपश्चिमका मुख्यमन्त्री कमलबहादुर शाह, मधेश प्रदेशका मुख्यमन्त्री सतिशकुमार सिंहलगायत पनि कीर्तिपुर मैदानमा पुगेका छन् ।
सुदूरपश्चिमले दिएको १८५ रनको लक्ष्यमा जनकपुरले सजिलै जित हात पारेको छ ।
टिप्पणीहरू