काँग्रेसले थाल्यो सय दिने अभियान

नेपाली काँग्रेसले आजदेखि काठमाडौंमा एक सय दिनको अभियान प्रारम्भ गरेको छ । काँग्रेस काठमाडौं महानगर समितिको आयोजनामा क्षेत्रपाटीबाट एक सय दिने विशेष अभियान अन्तर्गत काठमाडौं महानगरस्तरीय भेला आयोजना गरिएको छ ।

काँग्रेस काठमाडौ महानगर समिति सभापति निलकाजी शाक्यको सभापतित्व र केन्द्रीय सदस्य तथा उपप्रधान एवम् सहरी विकासमन्त्री प्रकाशमान सिंहको प्रमुख आतिथ्यमा भएको कार्यक्रममा राष्ट्रिय सभा सदस्य तथा पूर्व गृहमन्त्री कृष्णप्रसाद सिटौलालगायत एक सयभन्दा बढी नेता तथा कार्यकर्ताको उपस्थिति रहेको बताइन्छ ।