कीर्तिपुरको घटनामा संलग्न दुई पक्राउ

नेपाल प्रिमियर लिग (एनपिएल) को विजेता जनकपुर बोल्ट्सका समर्थकमाथि कुटपिट गरेको अभियोगमा थप दुई युवक पक्राउ परेका छन् । जिल्ला प्रहरी परिसर काठमाडौंले उनीहरुलाई नियन्त्रणमा लिएको जनाएको छ ।

कीर्तिपुर बस्ने डोटीका २१ वर्षीय अशोक साउद र १९ वर्षीय गणेश साउद पक्राउ परेका हुन् । अस्ति भएको एनपिएलको फाइनल खेल समाप्तिपश्चात् उनीहरुले जनकपुर बोल्ट्सका समर्थकमाथि अभद्र व्यवहार तथा कुटपिट गरेको आरोप छ । 

खेलपछि केहीले जनकपुर बोल्ट्सका समर्थकमाथि अपमानजनक शब्द प्रयोग गर्नुका साथै साम्प्रदायिक सद्भाव बिगार्न खोजेको उजुरी प्रहरीमा परेको थियो । घटनामा संलग्न अन्य व्यक्तिहरुको पनि खोजी जारी रहेको प्रहरीले जनाएको छ ।