नाबालिका दुई छोरीको हत्या आरोपमा आमा पक्राउ
सल्यानको बनगाड कुपिण्डे नगरपालिका–११, गलगौलमा एकै घरका दुई नाबालिका हत्या आरोपमा प्रहरीले मृतकहरुका आमालाई पक्रेको छ ।
आज बिहान आफ्नै घरमा टेकमान राना र पूर्णिमा रानाका दुई नाबालिका छोरीहरु मृत अवस्थामा फेला परेका थिए । वडाध्यक्ष वीरबहादुर बुढामगरका अनुसार अन्दाजी साढे २ वर्षकी करिश्मा राना र ६ महिनाकी रागबी राना घरमै मृत भेटिएका हुन् ।
उनका अनुसार प्रारम्भिक अनुसन्धानपछि प्रहरीले मृतक नाबालिकाकी आमा २६ वर्षीया पूर्णिमालाई नियन्त्रणमा लिएको छ ।
बुवा तेजमान कामको सिलसिलामा नुवाकोट गएको बेलामा आमाको साथमा घरमा रहेकी नाबालिकाको हत्या भएको आशंका छ । प्रहरीले थप अनुसन्धानका लागि नाबालिकाहरुकी आमालाई नियन्त्रणमा लिएको हो ।
टिप्पणीहरू