कर्णाली प्रदेश सभाको बैठक माघ ७ गते
कर्णाली प्रदेश सभाको बैठक बोलाइएको छ । आगामी माघ ७ गते दिउँसो १ बजे पाँचौं अधिवेशनको पहिलो बैठक डाकिएको छ ।
प्रदेश प्रमुख यज्ञराज जोशीले नेपालको संविधानको धारा १८३ को उपधारा (१) बमोजिम बैठक आह्वान गरेको कर्णाली प्रदेशसभा सचिवालयका निमित्त प्रदेशसभा सचिव नेत्रबहादुर कार्कीले बताए । बैठक सुर्खेतको वीरेन्द्रनगरस्थित प्रदेशसभा भवनमा बस्ने छ ।
‘नेपालको संविधानको धारा १८३ को उपधारा (१) बमोजिम कर्णाली प्रदेशका माननीय प्रदेश प्रमुख यज्ञराज जोशीज्यूबाट कर्णाली प्रदेशसभाको दोस्रो कार्यकालको पाँचौं अधिवेशनको पहिलो बैठक सम्बत् २०८१ साल माघ ७ गते सोमबार दिनको १ बजे प्रदेशसभा भवन, वीरेन्द्रनगर, सुर्खेतको सभाहलमा बस्नेगरी आह्वान भएको...’,जारी सूचनामा उल्लेख छ ।
टिप्पणीहरू