फिल्मको कमाईबाट छोरालाई साढे ३ करोडको गाडी

सन् २०२४ नेपाली फिल्म बजार उत्साहप्रद रह्यो । एक दर्जन बढी चलचित्रले १५ करोडमाथि कलेक्सन गरे । विदेशको प्रदर्शन अधिकार, डिजिटल राइट्स लगायतबाट हुने आम्दानी छुट्टै छँदैछ । 

वर्षकै सर्वाधिक हिटमध्येको एउटा चलचित्र हो- ‘१२ गाउँ’ । पुराना अभिनेता विराज भट्टले झण्डै एक दशकपछि कमब्याक गरेको यहि फिल्मबाट उनका छोरा समिर भट्टले डेब्यु गरे । बाबुछोराको ‘केमियो’ लाई दर्शकले यति मन पराए कि १२ गाउँले नेपालमा मात्रै २७ करोड कमायो । 

चलचित्रको सफलतालाई सेलिब्रेसन गरिरहेका उनै विराजले छोरा समिरलाई साढे तीन करोडको कार उपहार दिएका छन् । विराजले छोराको पहिलो सफलतामा तीन करोड ६० लाख मूल्य पर्ने ल्याण्ड क्रुजर कार दिएका हुन् । 

बाबुछोराकाे उपहारमा कार आदान-प्रदानको फोटो तथा भिडियो यतिबेला सामाजिक सञ्जालमा भाइरल छ ।