कोशी प्रदेश सभाको हिउँदे अधिवेशन आह्वान

कोशी प्रदेश सभाको हिउँदे अधिवेशन बोलाइएको छ । प्रदेश प्रमुख परशुराम खापुङ्गले छैठौं अधिवेशन आह्वान गरेका हुन् । 

आज बिहान बसेको मन्त्रिपरिषद्को बैठकको सिफारिसमा माघ ७ गते दिँउसो २ बजेका लागि बैठक बोलाइएको प्रदेश प्रमुखको कार्यालयका सूचना अधिकारी सम्पूर्ण थापाले बताए । विराटनगरस्थित प्रदेश सभाको सभाहलमा बैठक बस्ने उनको भनाइ छ । 

‘माननीय प्रदेश प्रमुख परशुराम खापुङ्गले नेपालको संविधानको धारा १८३ को उपधारा (१) बमोजिम कोशी प्रदेश मन्त्रिपरिषद्को मिति २०८१–०९–२८ गतेको सिफारिसमा सम्बत् २०८१ साल माघ ७ गते सोमबार दिनको २ बजे कोशी प्रदेश सभाको सभाहल, विराटनगरमा कोशी प्रदेश सभाको छैठौं अधिवेशन आह्वान गर्नुभएको छ’,आज जारी सूचनामा उल्लेख छ । 

गत असोज ४ गते कोशी प्रदेशको वर्षे (बजेट) अधिवेशन अन्त्य भएको थियो ।